समाज सुधारमा शुभकामना आदानप्रदानन

भक्तपुर, २२ असोज । समाज सुधार माध्यामिक विद्यालयको आयोजनामा शुक्रबार दसैंको शुभकामना आदानप्रदान तथा अभिभावक भेला भयो ।

कार्यक्रममा भक्तपुर नगरपालिका वडा नंं. ८ का वडाध्यक्ष महेन्द्र ख्यामलीले हरेक अभिभावकहरुले आ–आफ्ना छोराछोरीहरुको अध्ययनरमा देखिएका कमी कमजोरीहरुको बारेमा समयमै केलाएर उनीहरुको भविष्य राम्रो बनाउनेतर्फ ध्यान जानु आवश्यक छ भन्नुभयो ।

कोरोना भाइरसको सङ्क्रमण जोखिम कायमै रहेको अवस्थामा यसबाट बच्न स्वास्थ्य सुरक्षा मापदण्ड अपनाउनुपर्नेमा उहाँले जोड दिनुभयो । वडाध्यक्ष खायमलीले हिजोआज सामाजिक सञ्जाल, फेसबुक, टिकटक आदिमा साथै धेरै समयसम्म बालबालिकाहरु मोबाइलमा व्यस्त रहँदा मानसिक समस्याहरु देखिएको विचार व्यक्त गर्नुभयो ।

विद्यालयका पूर्व प्र.अ लक्ष्मीनारायण दुवालले अनेकौं चुनौती सामना गर्दै समाज सुधार मावि आजको एक नमुना विद्यालयको रुपमा पु¥याउन सफल भएको बताउनुभयो ।

कार्यक्रममा विद्यालय व्यवस्थापन समितिका अध्यक्ष कृष्णसागर बासी, भक्तपुर नगरपालिका नगर शिक्षा शाखा प्रमुख कृष्णप्रसाद कर्माचार्यलगायतले बोल्नुभएको थियो ।

विद्यालयका प्रधानाध्यापक जगनाथ प्रजापतिको सभापतित्वमा सम्पन्न उक्त कार्यक्रममा विद्यालयका शिक्षकहरु कृष्णप्रसाद सुवाल र सुरज दिदीयाले पनि बोल्नुभएको थियो।