प्रभात सेकेन्डरी स्कूलको ४२ औँ स्थापना दिवस
- चैत्र २६, २०८०
स्क्रिप्ट ख्वपको आयोजनामा बिहिबार अनलाइन मार्फत ब्राम्हि लिपि तालिम सम्पन्न भयो । मिति २०७८ जेठ २० देखि २७ गते सम्म भएको तालिममा २१ जनाले सहभागी जनाएको थियो ।
नेपाल भाषाका विभिन्न लिपि मध्ये ब्राम्हि लिपि पनि एक हो । नेपाल भाषाका लिपिहरु बिस्तारै हराउँदै गएको हुनाले लकडाउनको समयलाई उपयोग गर्दै स्क्रिप्ट ख्वपले नयाँ पुस्तालाई नेपाल भाषाका विभिन्न लिपि सिकाउँदै आएको हो । स्क्रिप्ट ख्वपले यो भन्दा अगाडी उत्तर लिच्छिवि लिपिको एक हप्ते तालिम गरिसकेको थियो ।
कार्यक्रमका अतिथि एवम् तालिमका प्रशिक्षक श्रीराम खाइतुले वि.सं २०५७ देखिको स्वअध्ययनको सिकाइलाई सिकाउन पाउँदा खुसी भएको बताउनुभयो । कार्यक्रमका संयोजक एवम् सह–प्रशिक्षक रेनुका कर्माचार्यले तालिममा सहभागीहरुको उत्साहले गर्दा थप तालिम सञ्चालन गर्न हौसला मिलेको कुरा राख्नुभयो ।
रेनुका कर्माचार्यको संयोजकत्वमा भएको तालिममा सह–प्रशिक्षकको रुपमा किशोर गोसाई, श्रीजना दुवाल, रोजिना बनमाला रहेको थियो भने सहभागी सम्पूर्णलाई प्रशिक्षक श्रीराम खाइतुले प्रमाण–पत्र बितरण गरेको थियो ।
Leave a Reply