जर्मनीका चान्सलर स्कोल्ज चीन भ्रमणमा
- बैशाख ४, २०८१
फ्रान्सका राष्ट्रपति इमानुएल माक्रोंलाई दक्षिणी फ्रान्सको भ्रमणको क्रममा एक जना युवाले गालामा थप्पड हानेको छ ।
सामाजिक सञ्जालमा प्रसारित श्रव्यदृश्य सामग्रीमा सत्कार सिकाउने व्यवसायिक तालिम कलेजको भ्रमणको क्रममा प्राङ्गणबाहिर जम्मा भइरहेका सानो सङ्ख्याका मानिसलाई भेट्ने क्रममा एक जना पुरुषले चड्कन हानेका थिए । खाकी टी–सर्ट लगाएका व्यक्तिले ‘माक्रोनिया मुर्दावाद’ भनी नारा लगाउँदै माक्रोको बाँया गालामा थप्पड हानेका थिए । फ्रान्समा राजतन्त्र हुँदा फ्रान्सेली सेनाले लगाउने नारा पनि उनले लगाएको सुनिएको थियो । माक्रोँका सुरक्षादस्ता दुई जनाले ती व्यक्तिलाई समातेका थिए भने एक जना सुरक्षाकर्मीले माक्रोँलाई सुरक्षित स्थलमा लग्न खोजेका थिए ।
ट्वीटरमा राखिएको श्रव्यदृश्यअनुसार माक्रोँ लगत्तै मानिसहरुतिर फर्केर हात मिलाउने क्रम जारी राखेको थिए । आपूmलाई चड्कन हान्ने मान्छेलाई आफ्नो सुरक्षाकर्मीहरुले भुईमा लडाए पनि माक्रोँले उनलाई छोड्न आग्रह गरेका थिए । प्रहरीका अनुसार दुई जना अभियुक्तहरुलाई पक्राउ गरेको छ । माक्रोँलाई चड्कन हान्ने व्यक्तिको पहिचान र उनको उद्देश्यबारे केही कुरा खुलेको छैन ।
उनले लगाएको नारा केही वर्षअघिदेखि फ्रान्सका राजतन्त्रवादी र दक्षिणपन्थीहरुले लगाउँदै आएको नारा भएको फ्रान्सको अतिवादबारे अध्ययन गरिरहेका राजनीतिक विश्लेषक फैमेता भेनिरले भने ।
स्रोतः मजदुर दैनिक
Leave a Reply