कार्ल माक्र्सको जन्म दिवसमा अध्ययन गोष्ठी

नेपाल क्रान्तिकारी विद्यार्थी संघ १३ औं राष्ट्रिय सम्मेलन तयारी समितीको आयोजनामा विश्व सर्वहारा वर्गका महान गुरू कार्ल माक्र्सको २०३ औँ जन्म दिवसको अध्ययन गोष्ठी कार्यक्रम सम्पन्न भयो ।
कार्यक्रम नेपाल मजदुर किसान पार्टीका केन्द्रीय सचिव एवम् प्रतिनिधिसभा सदस्य प्रेम सुवालले नेपाल कम्युनिस्ट पार्टीका नेताहरुका सल्लाहकार र सहयोगीहरु पुँजीपतीहरु भएकाहरुले ति पार्टीहरुले पँुजीपति वर्गकै सेवा गर्नेछन् भन्नुभयो ।

समाजवादमा मात्रै कामदार वर्गको हित हुने चर्चा गर्दै भन्नुभयो, “कामदार वर्गले काममात्रै गर्ने होईन, राजनीतिक र सांस्कृतिकरूपमा पनि अघि बढ्नुपर्छ र त्यसको जिम्मा राज्यले लिनुपर्छ ।”

देशकै ठुल्ठुला पदमा पुगेका मानिसहरुमा अध्ययन नहुँदा परिस्थितिको सहि विश्लेषण नभएको र विश्वव्यापीकरण र निजीकरणजस्ता साम्राज्यवादका ज्यावलहरुकै वकालत गर्दै हिँडेको बटाउँदै उहाँले विद्यार्थीहरुले मानव समाजको विकास, विभिन्न देशका कामदार वर्गको आन्दोलन र क्रान्ति, कम्युनिस्ट आन्दोलन, किसान आन्दोलनलगायत विषयहरुमा गहन अध्ययन र छलफल चलाउनुपर्ने बताउनुभयो । कार्यक्रमका सभापति एवम् नेक्राविसङ्घ १३ औं राष्ट्रिय सम्मेलन तयारी समितिका संयोजक प्रकाश गुरुङले विद्यार्थी कार्यकर्ताहरुलाई अध्ययन गर्न गराउन अध्ययन गोष्ठिको आयोजना गरेको बताउनुभयो ।

विश्वव्यापी महामारी कोभिड—१९ को रोकथामको लागि आ—आफ्नो क्षेत्रबाट सकेको प्रयास गर्नुहुन विद्यार्थी कार्यकर्ताहरुलाई उहाँले आग्रह गर्नुभयो ।
समितिका सदस्य ईश्वर शाहीले ‘द्वन्द्वान्मक भौतिकवाद’ र अर्का सदस्य हृदय दहालले ‘माक्र्सवादका तीन सङ्घटकहरु’ बारे आ—आफ्नो प्रस्तुति दिनुभएको कार्यक्रममा केन्द्रीय सचिव रमेश प्रजापतिले पनि बोल्नुभएको थियो ।

स्रोतः मजदुर दैनिक